Kisna ka jhuth - part 2

jaisa ke last part me maine bataya tha ke kisna mujhe patane ka fullon try kar raha tha par main bilkul bhav nahi de rahi thi par kab tak aakhir thi to ek ladki hi aur kisna bhi koi aiwe hi simple ya gav ka bhola bhala ladka to tha nahi smart tha handsome tha to thoda bahut bhav khane ke bad finally maine ek din use han kahe kar apne pyar ka ijahar kar hi diya..

kuchh din to sab jaise hota hai ek dusre se attraction fir thode din bad wohi ek dusre par hak jamana shuru kisna ko mere simple look se hamesha hi problem raheti thi pata hi nahi chala kab mere look aur mujhe change karna hi kisna ka ek matra laksha ho gaya wo jab dekho tab mujse jid karta raheta kabhi kaheta jeans pahenu kabhi kaheta saree pahenu kabhi kaheta makeup karun kabhi kaheta hair style banaun.pata nahi wo kya kya kaheta par ek bat jo main hamesha kaheti wo thi No. Kabhi nahi aur main kuchh bhi nahi karti. Par han meri friend roshni jisne mujhe satee pahenayi thi wo hamesa kisna ki tarafdari karti raheti thi par who cares.

Ek din jab main college se nikali to kisna bahar udash muh bana kar baitha to maine puchh liya kya hua hero aaj muh kyun sil rakha hai  to bola 2 din bad mera birthday hai to maine reply kiya ye to khushi ki bat hai muh kyun bana rakha hai to bola kya karun aur tum hi batao tum ne to socha bhi nahi hoga ke mujhe kya gift karogi to maine bhi reply kiya kya gift chahiye mere hero ko to bola pahle promise karo jo main mangunga wo dogi to maine uska kan pakadate huye boli koi naughty demand nahi karoge to promise jo mango ge dungi to kisna bola are wo sati Savitri tumhari ijjat nahi Mangunga daro mato. To thik hai promise mango kya chahiye tumhe to bola main tumhe ek 👗 dress me dekhana chahta hun aur chahta hun ke tum wo mere birthday wale din pahen kar aao . Kisna ye bol hi raha tha tab tak roshni bhi aa gayi to boli kaun kya pahen raha hai mujhe bhi batao. To maine reply kiya kisna mujhe dress gift de raha hai aur parso pahen kar aane ko bol raha hai to roshni boli wow so romantic. Par dress dikhao to sahi. Kisna bolo kharidi thodi hai pahele madam han to bole . Maine kaha maine promise kar diya hai to pahen kar aaungi lekin don sharte hai ek same dress roshni ke liye bhi kharido aur wo bhi wohin same dress me aayegi aur dusri bat class bunk nahi karungi thodi der soch kar kisna bolaa hmm thik hai main kal dono ke liye same dress launga aur parso dono usi dress me college attend karogi . I am on mujhe manjoor hai. To maine bhi kaha hame bhi manjoor hai.

Agle din class ke bad kisna do packet laya tha aur bola ye tumne don sharte rakhi thin isliye meri bhi do sharte hai paheli shart hai ke ye tum kal subah hi khologi aur aaj se lekar kal class end hone tak dono aapas me mobile par bat nahi karogi  isliye dono jan apna mobile mujhe do aur ham dono ke mobile ko apne bag me band karke rakhnliya fir bola kal l class ke bad milunga. Aur packet de kar chala gaya.

Baki next part me...

Kisna ka jhuth - part 1

Ye kahani meri aur mere husband kisna ki hai. mujhe to aap jante hi ho aapki apni anita.

Main aur kisna ek dusre ko college ke time se jante the aur college khatm hote hi ham dono ne ghar walo ko bina bataye shadi kar li thi. waise aisa nahi tha ke hamare ghar wale hamari bat samjhate nahi ya mante nahi par mujhe kabhi kabhi lagta tha ke kahi kisna mujhe cheat na kar de aakhir wo dekhne me bhi to kisi choclaty hero se kam nahi tha blue aankhe ghunghae bale gora rang ek dam fit and jim me pasina bahakar banaye huye salman jaise dole the uske. aur jo sab se khash tha usme wo tha uska bat karne ka andaj attitude jis tarah se wo lachchhedar bate karta tha wo kisi se bhi apni bat manwa sakta tha aur isi bajah se har ladki us par mar mitane ko taiyar ho jati hai . 

wohi main kisna ki thik ulat thi shidhi aur direct bate karna simple kapde pahenna kisi se bhi bina bat ke nahi uljhna jab tak jaruri na ho kisi se koi bat nahi karna koi dost banane me time waste nahi karna sirf apni padhai me focused. ghar se college aur college se ghar. simple salwar kamiz bahut hua to full lenth skirt pahen liya jeans paint se to koso duri raheti thi. Make up karna to meri list me kahi bhi nahi aata tha aur ye sab kam ho us par bachpan se hi mujhe number wala mota wala chasma lag gaya tha to sach kahu puri bahenji hi lagti thi bas ek chij bhagwan ne achchhi di thi wo ye ke rang gora diya tha aur bal soft black aur lambe diye the jiski bajah se main lakh bahenji banne ki koshish kar lun pata nahi ladko ko mujhme cuteness dikh hi jata tha par main bhi kam kaha thi lodko ko main tab tak hi cute lagti thi jab tak main chup raheti thi kyun ke main jab bhi muh kholti ladko ki bejjati ke liye hi kholti mere muh se mithe words to main khud aaj tak nahi sune  mera to bas ek hi life ka fanda tha saaf kahena aur sukhi rahena kyun ke jab aap har bat bina maska malai lage karoge to bate kisi ko bhi pasand aani possible hi nahi thi.  to bas life aise hi ham dono ki kat rahi thi.

kisna ka har kuchh din me affair hota tutata fir hota fir tutata aur is tarah se almost pure college me sabse affair aur breakup hone ke bad wo life me settle hona chahiye tha ek sachche pyar ki talas ka gyan pata nahi kis movie se use hua aur badkismati se usne wo pyar mujhme khojne ka ganda sa plan banaya pata nahi use mujhme aisa kya dikha par bura samay insan ko batakar thode hi aata hai jo ki kisna ka aane wala tha aur achchha samay bhi batakar nahi aata jo ki mera aane wala tha. to chalo ab kahani par chalte hai.

Kisna abhi kuchh din pahele hi breakup hua tha aur wo nayi ladki fasane ki firak me idhar udhar try karta fir raha tha tabhi college me saree day aaya to meri ek lauti college friend ne jid ki ham dono agle din saree pahen kar aayenge main bahut mana kiya bahut bahane bhi banaye par wo mani nahi to maine uska man rakhne ke liye han bhi kahe diya maine socha abhi han kahe deti hun kal kuchh bahana bana lungi par wo mujhse ek dam aage ki sochne wali thi usne agle din college jane ke bajay taiyar ho kar mere ghar time se ek ghanta pahele pahunch gayi tab tak main nahane jane wali thi aur to aur wo apne sath usse matching saree aur chudiya aur earing bhi le kar hi aayi thi ab koi ghar par itni mahenat se aaye to use mana to nahi kar sakte hai to na chahte huye bhi uski bat manni padi aur fir kya tha blowse us par  saree us par matching earing chudiyan pahen kar main to ready ho gayi fir usne ek aur naya bam giraya makeup ka maine bahut mana kiya par wo kaha manne wali thi usne lipstick powder eyeliner aur pata nahi kya kya tam jham mere face par lagaya jiska ki main nam bhi nahi janti thi aur last me main jaise hi chasma lagane ko huyi meri mummy pata nahi kaha se tapak gayi aur boli are wah kya bat hai aaj to lagta hai suraj se paschim se nikal raha hai aur boli kisi ki najar na lage meri bachchi ko tab tak mera chhota bhai bhi aagaya aur bola mummy maine bola tha na ye meri didi nahi hai meri aunty hai aunty aunty kahekar chidhane laga to main use pakadne ke liye jaise hi khadi huyi to mummy boli are to sahi to kahe raha hai jab tere pas lense hai to chasma lagakar aunty kyun ban rahi hai aaj tu lense laga kar hi ja aur aaj chasme ke jagah lense laga liya aur finaly ham dono college pahunche .

aur college pahuchne ke bad sabse pahele jis ladke ne mujhse bat karne ki koshish ki wo the hamare hero kisna ji. aate hi shuru ho gaye apni pyari pyari bate lekar main chupchap uski bate sunti rahi aur bina kuchh reply kiye class me chali gayi ab kisna ko naya naya aashik to tha nahi itni aasani se har manne walo me se to bilkul bhi nahi tha to college ke bad wo fir mujhe mila  aur apni ram kahani shuru kar di mujhe kuchh karna to tha nahi to main use sunti rahi jab use laga ke main uski bat bilkul hi ignore kar rahi hun to usne mujhse puchh hi liya ke aakhir mujhe usse problem kya hai kya kami hai usme to maine bas apne nature se kadvi pravachan ki kitab se apna pahela dialoge deliver kar hi diya aur bas itna hi boli aaj main ye saree pahen kar make up kar ke lense laga kar aa gayi to itna pyar aa raha hai kal jab main apne purane aunty ji wale look me wapas aa gayi to pahechanoge bhi nahi mere sath khade bhi nahi hoge kyun main to wo hi rahene wali hun tum kyun apna taste khrab kar rahe ho ek se ek khuli tange wali makeup wali ladkiya tumhe mil jayengi tum un par try karo aur ab mera pichha chhodo main aur bas nahi chhod sakti hun samjhe aur apne purse se 10 ki note uski jeb me rakh kar boli ye jo tumne chay pilayi thi uske paise kal ko kahene lago tumhara kha pikar chali gayi.. aur main to bas pakad kar ghar aa gayi.

Agle part me mera aur kisna ka pyar fir shadi aur fir hamari crossdressing kahani ke bare me bataungi to don't miss next part...